- Album Intro
- Lyrics
- Album list
- Singer Intro
蕭玉芬
-
你愛我
Lyricist:蕭進惠 Composer:蕭進惠
咱的問題有夠多 欲講要幾落暝 欲聽你的心內話 就要等你喝卡多 感情若是祙乾脆 就會愈行愈退 最好趕緊講乎詳詳細細 不免驚歹勢
有話不免放心內 趕緊講出來 你的感情無需要一直掩蓋治心內 感情不使講隨便 應該互相信賴 若無會造成誤解 早晚會變成傷害 請你講出來乎我瞭解 乎我知影你愛我甘會使 不通乎我等待 不通乎我傷害 將心內彼句愛阮的話 趕緊講出來乎我知
------------------------------------------
16519/《你愛我》Lí Ài Guá 蕭玉芬Siau Gio̍k-hun
咱的問題有夠濟 lán ê būn-tê ū-kàu tsuē 欲講愛幾若暝 beh kóng ài kuí-lō mê 欲聽你的心內話 beh thiann lí ê sim-lāi uē 著愛等你啉較濟 tio̍h-ài tán lí lim khah tsuē 感情若是袂乾脆 kám-tsîng nā-sī buē gāncuì 就會愈行愈退 tiō ē jú kiânn jú thè 上好趕緊 siōng-hó kuánn-kín 講予詳詳細細 kóng hōo siông-siông-sè-sè 毋免驚歹勢 Find more lyrics at ※ Mojim.com m̄-bián kiann pháinn-sè
有話毋免囥心內 ū uē m̄-bián khǹg sim-lāi 趕緊講出來 kuánn-kín kóng--tshut-lâi 你的感情 lí ê kám-tsîng 無需要一直暗崁佇心內 bô su-iàu it-ti̍t àm-khàm tī sim-lāi 感情袂使講凊彩 kám-tsîng buē-sái kóng tshìn-tshái 應該互相信賴 ing-kai hōo-siong sìn-lāi 若無 nā bô 會造成誤解 ē tsō-sîng gōo-kái 早慢會變成傷害 tsá-bān ē piàn-sîng siong-hāi
請你講出來 tshiánn lí kóng tshut-lâi 予我了解 hōo guá liáu-kái 予我知影你愛我 hōo guá tsai-iánn lí ài guá 敢會使 kám ē-sái
毋通予我等待 m̄-thang hōo guá tán-thāi 毋通予我傷害 m̄-thang hōo guá siong-hāi 將心內彼句 tsiong sim-lāi hit kù 愛阮的話 ài gún ê uē 趕緊講出來 kuánn-kín kóng tshut-lâi 予我知 hōo guá tsai
- Special thanks to W.B. Chen for correcting the lyric.
- Related Links: W.B. Chen
|