- Album Intro
- Lyrics
- Album list
農村武裝青年
-
漉糊仔田之歌 Lo̍k - Kôo - Á - Tshân Tsi Kua
Lyricist:江育達 Composer:江育達
遮有一陣人 透早出門去巡田頭 Tsia ū tsıt̍-tīn lâng, thàu-tsá tshut-mn̂g khì sûn tshân-thâu 下昏暗時 相招來跳舞 齷齪心情放輕鬆 E-hng-àm-sî sio-tsio lâi thiàu-bú, ak-tsak sim-tsîng pàng khin-sang 遮有這條溪 流過秋冬又春夏 Tsia ū tsit tiâu khe, lâu kuè tshiu tang iū tshun hā 流過故鄉辛苦的阿母 作穡的彼雙手 Lâu kuè kòo-hiong sin-khóo ê a-bú tsoh-sit ê hit siang tshiú 風微微 溪風吹來心花開 Hong bî-bî, khe-hong tshue lâi sim-hue khui 月光暝 暗光鳥 陪阮到深更 Gueh̍ -kng mî àm-kong-tsiáu puê gún kàu tshim-kinn 阮是濁水溪的囡仔 蹛佇八堡源泉 鼻仔頭 Gún sī Lô-tsuí-khe ê gín-á, tuà tī Pat-pó-guân-tsuânn Phīnn-á-thâu 你若有閒就來迌 相招來鼻仔頭 搝大索 Lí nā ū-îng tō lâi tshit-thô, sio-tsio lâi Phīnn-á-thâu giú-tuā-soh Find more lyrics at ※ Mojim.com 做伙來鼻仔頭搝大索 Tsò-hué lâi Phīnn-á-thâu giú-tuā-soh 阮遮有摻著人情味的漉糊仔糜膏 Gún tsia ū tsham tio̍h jîn-tsîng-bī ê lo̍k-kôo-á-muâi-ko 做伙來鼻仔頭搝大索 Tsò-hué lâi Phīnn-á-thâu giú-tuā-soh 咱破腹交陪免論輸贏 歡喜就好 Lán phuà-pak kau-puê bián lūn su-iânn, huann-hí tō hó 做伙來鼻仔頭搝大索 Tsò-hué lâi Phīnn-á-thâu giú-tuā-soh 阮遮有摻著人情味的漉糊仔糜膏 Gún tsia ū tsham tio̍h jîn-tsîng-bī ê lo̍k-kôo-á-muâi-ko 做伙來鼻仔頭搝大索 Tsò-hué lâi Phīnn-á-thâu giú-tuā-soh 阮好料的攏攢出來 等恁來迌 Gún hó-liāu--ê lóng tshuân--tshut-lâi, tán lín lâi tshit-thô
-
|