- Lyrics
- Album list
- Singer Intro
郭金發
-
離鄉嘆
做男兒賭著意志 離開心愛伊 為前途將來名譽 不敢來失志 雖然在他鄉外里 寂寞過日子 不過我總是忍耐 心內的稀微 期待著早日成功 光榮倒返去 啊....期待著成功 光榮倒返去
秋天若過了就是 寒冷的冬天 彼時拵我會返去 請你免掛意 雖然是難分難離 猶原離開你 請你著相信我是 純情的男兒 不倘來為我出外 傷心珠淚滴 啊....不倘來為我 傷心珠淚滴
孤一個寂寞流浪 實在不得已 這總是味著將來 幸福的日子 雖然我無日無暝 認真求財利 心愛的我的愛人 你著緊準備 等待我秋天返去 結婚的代誌 啊....等待我返去 結婚的代誌
------------------------------------------
《離鄉嘆》Lî-hiong Thàn 郭金發Kueh Kim-huat
做男兒賭著意志 tsuè lâm-jî tóo tio̍h ì-tsì 離開心愛伊 lī-khui sim-ài i 為前途將來名譽 uī tsiân-tôo tsiong-lâi miâ-ī 毋敢來失志 m̄-kánn lâi sit-tsì 雖然在他鄉外裡 sui-jiân tsāi thann-hiong guā lí 寂寞過日子 tsi̍k-bo̍k kuè ji̍t-tsí 毋過我總是忍耐 m̄-koh guá tsóng-sī jím-nāi 心內的稀微 sim-lāi ê hi-bî 期待著早日成功 kî-thāi tio̍h tsá-ji̍t sîng-kong 光榮倒轉去 kong-îng tò-tńg--khì 啊~期待著成功 ah~ kî-thāi tio̍h sîng-kong 光榮倒轉去 Find more lyrics at ※ Mojim.com kong-îng tò-tńg--khì
秋天若過了 tshiu-thinn nā kuè-liáu 就是寒冷的冬天 tsiū-sī hân-líng ê tang-thinn 彼時陣我會轉去 hit sî-tsūn guá ē tńg--khì 請你免掛意 tshiánn lí bián kuà-ì 雖然是難分難離 sui-jiân sī lân-hun lân-lî 猶原離開你 iu-guân lī-khui lí 請你著相信 tshiánn lí tio̍h siong-sìn 我是純情的男兒 guá sī sûn-tsîng ê lâm-jî 毋通來為我出外 m̄-thang lâi uī guá tshut-guā 傷心珠淚滴 siong-sim tsu-luī tih 啊~毋通來為我 ah~ m̄-thang lâi uī guá 傷心珠淚滴 siong-sim tsu-luī tih
孤一個寂寞流浪 koo tsi̍t-ê tsi̍k-bo̍k liû-lōng 實在不得已 si̍t-tsāi put-tik-í 這總是為著 tse tsóng-sī uī-tio̍h 將來幸福的日子 tsiong-lâi hīng-hok ê ji̍t-tsí 雖然我無日無暝 sui-jiân guá bô-ji̍t bô-mî 認真求財利 jīn-tsin kiû tsâi-lī 心愛的我的愛人 sim-ài--ê guá ê ài-jîn 你著緊準備 lí tio̍h kín tsún-pī 等待我秋天轉去 tán-thāi guá tshiu-thinn tńg--khì 結婚的代誌 kiat-hun ê tāi-tsì 啊~等待我轉去 ah~ tán-thāi guá tńg--khì 結婚的代誌 kiat-hun ê tāi-tsì
- Special thanks to W.B. Chen for correcting the lyric.
- Related Links: W.B. Chen
|