- Lyrics
- Album list
- Singer Intro
劉福助
-
恆春調
( 男 ) 要去台東花蓮港 路途生疏仔喂 嘛不識人 望要阿娘仔喔來疼痛 疼痛阿哥喂 嘛出外人
( 女 ) 要去恆春喔無外遠 妖壽尖山仔喂 來鎮中央 等待尖山仔囉嘛迺輪返 即來甲君喂 你睏同床
( 男 ) 要去彼平啊喔着搬山嶺 看着阿娘啊喂來結歸群 其中彼個啊喔阮有意愛 可惜無人阿喂未來鬪安排 ( 女 ) 阿君不知啊囉是叨未來 ( 男 ) 日頭落山喂即講你知 阿娘生水啊喔親像英台 ( 女 ) 阿君生水喂親像梁兄
-------------------------------------------
《恆春調》Hîng-tshun-tiāu 劉福助 Lâu Hok-tsōo
男) 欲去臺東啊是花蓮港 beh khì Tâi-tang--ah sī Hue-lîng-káng 路途生疏啊喂 lōo-tôo tshinn-soo--ah-uê 嘛毋捌人 mā m̄-pat lâng 望欲阿娘仔喔來相疼痛 bāng-beh a-niû-á--ooh lâi sio thiànn-thàng 疼痛阿哥仔喂 thiànn-thàng a-ko-á--uê 嘛出外人 mā tshut-guā-lâng
女) 欲去恆春啊喔是無偌遠 beh khì Hîng-tshun--ah-ooh sī bô guā hn̄g 夭壽尖山仔喂 iáu-siū Tsiam-suann-á--uê Find more lyrics at ※ Mojim.com 來鎮中央 lâi tìn tiong-ng 等待尖山仔囉來踅輾轉 tán-thāi Tsiam-suann-á--loh lâi se̍h-lìn-tńg 才來佮君仔喂你睏仝床 tsiah lâi kah kun-á--uê lí khùn kāng tshn̂g
男) 欲去彼爿仔喔著盤山崙 beh khì hit-pîng-á--ooh tio̍h puânn suann-lūn 看著阿娘仔喂 khuànn-tio̍h a-niû-á--uê 來結規群 lâi kiat kui-kûn 其中彼个喔阮有意愛 kî-tiong hit-ê--ooh gún ū ì-ài 可惜無人啊喂 khó-sioh bô-lâng--ah-uê 來鬥安排 lâi tàu an-pâi
女) 阿君毋知影囉是佗位來 a-kun m̄ tsai-iánn--loh sī tó-uī lâi
男) 日頭落山啊喂 ji̍t-thâu lo̍h-suann--ah-uê 才講你知 tsiah kóng lí tsai 阿娘生媠啊喔 a-niû sinn suí--ah-ooh 親像英臺 tshin-tshiūnn Ing-tâi
女) 阿君生媠啊喂 a-kun sinn suí--ah-uê 親像梁兄 tshin-tshiūnn Niû-hiann
- Special thanks to W.B. Chen 小復刻 for correcting the lyric.
- Related Links: W.B. Chen 小復刻
|